Ameerikaan Afrikaanoota irratti kan fuulleffatu baqataa biyyattii keessaa baasuu, kanneen sanada seeraa hin qabne Ameerikaa keessatti hanga hidhuutti hojiitti jiraachuutu himama.
Gocha bulchaa Ameerikaa kanaaf deebii ta’a jettee kan yaaddu Peresedaantiin Naamibiyaas lammiileen Ameerikaa sanada seeraa malee akkasuma Viisaa malee biyya isaanii seenuu akka hin dandeenye murteessuu ishee maxxansi miidiyaa hawwaasaa Africa Global News jedhu ifoomseera.
Pirezidaantiin Naamibiyaa Netumbo Nandi-Ndaitwah lammiileen U.S. Naamibiyaa seenan viizaa akka isaan barbaachisu himuu ishee kana namuu haalaan irraa dubbataa jira.
Lammiileen Ameerikaa Viisaa hin qabne kan Naamibiyaa keessa jiran baqattoota seeraan alaa jedhamuun yakkaan akka himatamanis murtaa’uu isaa himameera.
Naamibiyaa keessatti lammiileen US 500 ol ta’an viizaa malee diyaamandii, warqee, yuuraaniyeemii, sibiila diimaa fi albuuda biroo baasuuf achitti bobbaa’anii akka jiran himameera. Namootni kunneen baatii Eebilaa kana jechuun Eebla 1 irraa eegalee akka sakattaa’amanidha kan odeeffame. Lammiilee Ameerikaa sanada seeraa malee Naamibiyaa jiran dirqamaan biyyatti isaan deebisuufis dhaadachuu ishee himameera.
Addunyaa irratti albuuda Daayimandiin kan badhaate Naamibiyaan qabeenya uumamaa ishee kana tohannaa dhuunfaa ishee jala galchuuf tattaaffii taasisaa akka jirtu eerameera.
